最近見到好多朋友仔去食韓燒，即刻挑返起想食韓燒嘅心！咁啱發現有一間韓國燒烤，竟然有香港好少見到嘅燒鰻魚，梗係唔好執輸去試吓啦！ 呢間餐廳，我覺得裝修都幾靚，而且佢仲有一大篇窗外嘅景色，如果可以坐到窗口位嘅話，仲可以望到維多利亞港的景色，而且佢嘅食物價錢唔算好貴，絕對係性價比之選。 佢嘅菜式選擇都好多，小朋友先做選擇，我當然就係將全部想食既都叫啦！首先係佢嘅特選和牛內裙肉，佢嘅肉味好濃郁，而且經過韓式醬汁嘅醃料加持下，令到每一片肉都帶有香甜嘅果香，絕對係必食之選。點擊圖片放大 +4 食堂黑毛豬五花肉勁大碟，份量好多，係性價比之選。佢嘅五花肉一如以往，帶有韓式醬料嘅味道，入口一啲都唔肥膩，會令你忍唔住口接一口，我自己好鍾意食！ 鹽燒豬排骨肉肉質比較結實，因為體型嘅關係所以需要耐少少嘅時間去烹調，但係絕對唔會影響肉質，經過一段時間烹調之後，肉質一啲都唔會柴，但有鹹香嘅口感絕對會令你想加一碗白飯。 梨汁雞頸肉入口超級嫩滑，而且經過店舖嘅處理之後，令到雞肉完全冇雪藏味，而且佢哋都有將多餘嘅脂肪除去，所以入口啖啖肉唔會一口油，我覺得都不錯吃。 另外今次我哋都嗌咗半份炸雞，同埋半份鰻魚試吓。炸雞雖然係半份但係份量超級多，四個人都未必食得晒，炸雞嘅肉質好豐富，入口極度juicy ，就算食完一隻韓燒再食都唔會有乾爭爭嘅感覺，而且底部仲有鋪排嗰啲薯條，最啱同朋友一路傾偈，一路慢慢食。點擊圖片放大 +3 最後不得不講嘅，一定係佢嘅燒鰻魚，雖然我哋只係叫咗半份，但係佢嘅鰻魚超大條，而且好厚！燒熟左嘅鰻魚身形都唔好縮細好多，入口每一片都係充滿着濃郁嘅油花，超級肥美勁好食！配合埋佢嘅鰻魚醬汁，絕對令到呢款食材錦上添花，令我平時好少食鰻魚嘅人都忍唔住食完一口接一口，大家如果下次經過北角嘅話真係唔好錯過！ 🇭🇰濟州燒肉食堂香港北角渣華道123號北角匯二期2樓210號舖🇭🇰
