早幾日同朋友仔去銅鑼灣行街，突然間好想食泰國菜，即刻諗起之前食過一間好高質嘅餐廳，所以都即刻帶朋友仔去試吓。 呢間餐廳位於時代廣場後面地點都好方便，一打開lift就已經聞到泰國香料嘅味道超正。今次我同朋友仔都叫咗好多嘢食試吓，等我為大家試吓味睇吓佢哋今次嘅質素係點啦！ 首先一定要叫嘅當然係佢哋嘅鎮店之寶火山排骨。佢哋嘅排骨一如以往份量好多，配合返酸辣嘅醬汁令到你好開胃，肉質都好鮮嫩，唔會乾爭爭可以一試。 生蝦刺身嘅蝦肉肉質都好飽滿，入口唔會有雪味，質素都唔錯。 泰式燒魷魚送上枱都仲係熱辣辣，每一舊入口都好似海綿咁軟淋淋超高質係必食之選。 我同同行嘅朋友最鍾意嘅係佢嘅青檸酸辣明爐烏頭。佢嘅烏頭魚入口啖啖肉超大條，三個女仔食都未必食得晒，佢嘅青檸酸辣醬汁超級惹味，雖然佢嘅酸同埋辣冇得揀程度入口有啲偏辣，但係因為太好食嘅關係都忍唔住一口接一口，餐廳特別加入咗粉絲，令到粉絲完美地吸收晒明爐魚嘅醬汁，真係超好食，我同朋友仔都覺得呢條魚絕對係呢一間舖頭計火山排骨之後另外一個誠意推介。 總括嚟講事隔一年之後再嚟呢間餐廳食，我覺得質素都依然保持得好好，大家如果經過銅鑼灣嘅話，絕對可以一試！🇭🇰 Milu thai มิลู่ไทย香港銅鑼灣耀華街3號伯樂中心2樓🇭🇰#danacaneat #foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃貨#火山排骨 #泰國菜#foodporn#Eeeeeats##FoodPhotography #FoodGasm#ForkYeah #FoodInTheAir #Delish #EatingForTheInsta #CleanEating #Nom
