早幾日見到朋友仔嘅IG上面講緊一間火鍋放題店超好食，環境都好唔錯，所以就特登同屋企人去試吓見真章！點擊圖片放大 +2 一入到去餐廳嘅環境好靚好有日式嘅風格，店員亦都好有耐性咁樣講解肉類產品。呢間餐廳主打火鍋放題，並且用日本大分縣黑樺牛作為主打，喺日本牧場直營到香港，保證新鮮！點擊圖片放大 佢哋嘅湯底亦都有好多唔同嘅選擇，我自己今次揀咗黑松露野生竹笙松茸菌湯補一補身。 揀選湯底之後，店員隨即送上大蝦元貝拼盤，並且總會即席用日本酒烤焗，食嗰陣熱辣辣，而且每一粒帶子都好飽滿，真係超級滿足。另外仲送上佢哋嘅火鍋精選層架，火鍋配料好精緻咁擺放，打卡一流！點擊圖片放大 +7 佢哋嘅牛肉總共有八款唔同嘅部位，小朋友先至做選擇，我呢啲牛魔王當然全部都要試吓！佢哋每一款嘅牛肉我覺得都好出色，牛肉嘅香味比平時食到既日本牛肉濃郁，但係又唔會有太多騷味。咁多款牛肉之中，我自己最鍾意嘅就係牛前胸，佢嘅肉味好濃郁，而且因為油脂分布好靚，食入口唔會太油，輕輕燙幾下就已經食得，絕對係必食推介。另外佢哋仲有一款好特別嘅玉子後腰肉，用雞蛋包裹住牛肉之後直接放入火鍋，唔好睇佢薄切牛肉，咁以為冇乜特色，點知一入口牛肉既味道香濃，我有一刻以為自己食緊牛腩，未試過嘅朋友絕對要試下。 令到佢嘅墨魚滑我覺得質素好好，喺幼滑嘅墨魚膠入邊，特登加入少量墨魚肉粒，口感層次變得豐富鮮明，而且超級香，唔需要點任何醬料都好好食。飲品方面，佢哋都有好多選擇，汽水冷泡茶，甚至乎荔枝沙冰都有，甜品方面亦都有軟雪糕同埋雪條，我自己因為太飽，所以冇食到，不過種類都唔少㗎。 總括嚟講，我覺得呢間餐廳真係好值得推介，鍾意食牛嘅你千祈唔好錯過！🇭🇰黑樺牛九龍尖沙咀堪富利士道6至6A號爵寓一樓🇭🇰#danacaneat #foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃貨#Eeeeeats##FoodPhotography #FoodGasm#ForkYeah #FoodInTheAir #Delish #EatingForTheInsta #CleanEating #Nom#黑樺牛 #A5和牛 #日本和牛 #任食和牛 #A5和牛火鍋放題 #和牛火鍋 #火鍋放題
