最近喺中環食到一間Pizza小店，我同同行朋友都覺得超好食絕對真心推薦！ 呢間小店位於蘭桂坊嘅窄路入邊，係一個旺中帶靜嘅地方，同三五知己喺度食pizza吹水真係好enjoy，店面主打即叫即製手工pizza，而且仲有一個open kitchen，可以直接睇到佢哋嘅烹調過程，超級療癒。 我哋今次叫咗一個厚批Mega Beast ，一份小食拼盤，一份蔬果沙律，一杯朱古力奶昔同埋西瓜乳酪smoothie。點擊圖片放大 話明係Mega Beast，當然就係肉食者天堂！Pizza嘅醬汁係用芝士醬，然後每一層堆疊火腿，煙肉，辣肉腸，洋蔥，芝士醬同埋芝士粒，喺現場見到店員製作嗰陣真係超級震撼，完全係滿到就嚟瀉嘅程度！Pizza 焗好之后新鮮滾熱辣送上，芝士醬汁勁香濃每一口都好飽滿，就咁睇相佢嘅厚批比起坊間嘅簿，但係原來每一口都好實在，Pizza邊極度酥脆，竟然有酥皮湯嘅酥皮感覺，一種Pizza兩種口感絕對係大推薦！ 佢嘅沙律用上松露醬，起初我以為味道會好奇怪，估唔到同蔬果沙律都好夾，可以中和返Pizza肥膩嘅口感。 佢嘅小食拼盤分量一啲都唔野少，而且每一樣都好好食！魚手指口感好紮實，蜜糖雞翼好香甜，我自己最鍾意佢嘅香草蒜香蝦，佢嘅肉質一啲都唔會霉，蒜香極重，單叫嘅話價錢都唔貴CP值好高。佢哋嘅醬汁都好特別，我自己特別推薦佢嘅四川辣醬，入口唔算好辣但係好香口，配上唔同嘅小食令到味道更加昇華。朱古力奶昔絕對係邪惡之選，因為open kitchen嘅關係可以直接睇到店員製作嘅過程，店員毫不吝嗇加入勁多朱古力醬，令到奶昔嘅朱古力味超香濃，西瓜乳酪smoothie我自己都好推薦，香甜嘅西瓜汁加入酸酸地嘅乳酪，絕對係夏天一流之選，大家經過中環記得唔好錯過一定要去試吓！🇭🇰 pieology pizzeria 香港中環榮華里13號地下J舖榮華大廈A座🇭🇰
