最近同屋企人去銅鑼灣行街，講個下好想食酸菜魚，屋企人就提議有一間餐廳而家有得食酸菜魚放題，而且仲好抵食，所以我哋就去試下！ 一入去呢間舖頭雖然地方唔大，但係麻雀雖小五臟俱全，而且亦都有好多人去食架。佢嘅雞煲或者烤魚嘅放題晚市只需要$128一位，而且汽水同埋啤酒仲要任飲，真係超級抵！我哋今次叫咗佢嘅老壇酸菜烤魚，一上枱我哋都好驚訝因為條魚超大條，而且酸菜亦都比得好足，CP值好高。 佢嘅火鍋配料種類都唔少㗎，一般嘅丸類都有仲要連芝士年糕都有提供！肉類方面雞件牛肉豬肉一定冇走雞，另外仲有串蝦同埋魷魚。蔬菜類選擇都好豐富，而且粉麵類可以選擇寬粉同埋薯粉好豐富。 而且佢嘅前菜仲有涼拌青瓜同埋雞翼尖， 真係估佢唔到！ 老壇酸菜烤魚佢哋用上沙巴魚，入口啖啖肉唔算好多骨，連我呢啲平時好少食魚嘅人都接受到，而且佢嘅湯底味道好濃郁，配合佢嘅酸菜令人食指大動！喺市區用到呢個價錢食到呢個質素嘅但係我覺得絕對係超值，如果經過銅鑼灣記得試吓！點擊圖片放大 🇭🇰渝痴漁醉香港銅鑼灣記利佐治街1號金百利廣場8樓R1號舖🇭🇰
