呢間餐廳之前喺尖沙咀厚福街都有見過，起初以為佢係一啲同坊間一樣平平無奇嘅鐵板餐廳，估唔到呢間餐廳原來來至韓國大有來頭，最近佢喺旺角都開咗分店所以就同朋友去試吓！ 起初我以為呢間餐廳只係食普通嘅鐵板餐，一睇菜單先知原來佢啲嘢都幾特別。佢哋上菜形式係會有一個生嘅肉球放喺鐵板上，另外仲有一舊圓形嘅熱石，食嗰陣只需要拎起所需嘅份量，然後直接喺熱石上面烹調就食得。我哋今次叫咗一個二人套餐，裏面包括芝士蛋蒜和牛漢堡扒，一份石燒牛扒，一份東武里牛丼飯同埋兩杯嘢飲。點擊圖片放大 +2 芝士蛋蒜和牛漢堡扒我同我朋友都覺得又好食又好玩！因為係自己烹調嘅關係，所以我哋都可以按照自己鍾意食嘅屬性程度去烹調，而且店員都好貼心會觀望住你嘅熱石情況，如果見到唔夠熱嘅話都會主動同你更換新嘅鐵板，由於熱石長期都係熱辣辣嘅狀態，所以令到漢堡扒嘅表皮考得好煎香之餘肉汁亦都唔會流失，配合返芝士蛋蒜真係超級好味！ 石燒牛扒我覺得都唔錯，佢嘅肉質唔會好硬，而且一樣有熱石可以俾你自行烹調加熱，可以控制時間慢慢食唔使一次過剪晒令到牛扒肉汁流失，而且烹調嘅程序我都覺得好過癮好好玩。 一份東武里牛丼飯超大碗性價比好高，每一粒牛肉都超大粒，真係牛魔王之選！配合返生雞蛋令到成個飯口感更加滑溜，兩個女仔未必食得晒。呢個套餐裏面每個人都會包含泡菜，麵豉湯同埋沙律，營養均衡之餘亦都好健康，仲可以解油膩感添。總括來講我覺得呢間餐廳性價比都唔錯，而且好食又好玩，大家有興趣嘅話一定要去試吓！🇭🇰 福岡漢堡扒MK九龍旺角花園街3-5號鴻威大廈地下7號舖🇭🇰#danacaneat #foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃貨#Eeeeeats##FoodPhotography #FoodGasm#ForkYeah #FoodInTheAir #Delish #EatingForTheInsta #CleanEating #Nom
