今日去咗呢間舖頭喺網上見到好多人試過，大贊佢除咗裝修靚之外嘢食嘅質素都唔錯，當中佢嘅下午茶set屢獲好評，我就當然唔執輸去試吓！ 識我嘅人都知道我胃口大，一個下午茶set我一定唔夠飽，所以我都叫咗個泡菜豬肉拌飯打個底先。呢個拌飯我覺得都幾啱香港人口味，佢唔係韓國食到嗰種超級辣嘅感覺，可能因為豬肉經過醃製，所以我覺得帶一點香甜嘅味道，而且材料亦都好多，營養豐富十足，我個人都幾推薦。 至於個重點當然就係二人新沙洞High Tea Set啦！職員一送上枱我哋即刻哇哇聲，佢嘅擺盤好靚少女感十足，而且色彩繽紛絕對係打卡首選！成個set裏面總共有六款食品，函式同埋甜食都有，我自己最鍾意嘅就係佢嘅窩夫！ 佢嘅窩夫外面鬆脆而且裏便香軟，店舖仲特登附設左煉奶花生醬汁同tiramisu醬汁俾你去自由選擇。小朋友先做選擇，我當然即係兩隻醬汁都落晒佢，入口Creamy 亦份外香甜，我自己都超推薦！ 令外佢嘅芒果奶凍都唔錯，芒果嘅份量好多 ，而且佢嘅奶凍唔會太甜啱晒我！另外佢都有唔同嘅撻餅同埋馬卡龍，整體質素我都覺得唔錯。點擊圖片放大 至於佢嘅嘢飲我自己覺得真係不得了，全部都好靚，而且亦都可以自由選擇甜度同埋冰嘅份量，呢點真係好貼心，我哋叫咗藍金橘白桃梳打特飲同埋西柚梳打特飲，兩杯嘢飲顏色超級靚，睇到都心心眼，我覺得同朋友仔嚟呢度慢慢坐低傾吓計享受下絕對係推薦呀，大家有興趣都記得過嚟啦！🇭🇰新沙洞澡堂九龍長沙灣福榮街506-510號榮法閣地下A1號舖🇭🇰
