朋友仔問我有冇一班朋友一齊聚餐嘅餐廳推介，個腦海即刻諗起上星期食過嘅呢間餐廳，呢個餐廳除咗裝修風格好特別可以打卡之外，佢嘅菜式嘅名稱都有精心挑選過，包保你淨係睇餐牌都已經可以同朋友仔打成一片，呢間餐廳就係Gooddaybadday啦！ 一行入門口嗰陣就已經見到佢嘅裝修好特別，好多種唔同元素嘅放假拼湊埋一齊，都幾好玩。一打開餐牌仲特別，啲名稱好多好搞笑之外你仲要慢慢估究竟佢係啲乜嘢。我今次就叫左渾身是海膽虎蝦pizza，麻卵飯，求其是但乜都炸啲啦，美利堅合眾國草飼牛扒沙律，同埋焙茶芝士蛋糕。就咁聽佢哋嘅名已經好好笑，有啲仲唔知內容係咩添，等我同大家試吓啦！點擊圖片放大 渾身是海膽虎蝦pizza一上枱就有濃濃既炙燒香味，佢嘅Pizza係簿批為主，入口好鬆脆，pizza用咗薯蓉同埋芝士做材料，令到Pizza增加左一種香軟幻滑嘅層次，配合埋面頭嘅海膽同埋虎蝦絕對令你食完一口接一口。 麻卵飯我哋開頭估咗好耐究竟係啲乜嘢菜式，原來係魚子辣味炒飯，佢嘅擺款好靚好精緻，而且份量都好多一定要一班人嚟先會食得晒，魚子配上沙律醬同埋辣辣地嘅炒飯絕對係相得益彰，而且佢嘅辣味我覺得幾特別絕對唔係一般嘅韓式或者係日式嘅味道，如果想試吓創新嘅話我覺得可以試吓！點擊圖片放大 求其是但乜都炸啲啦就係一個炸物拼盤，裏面有有薯條炸蠔炸魚同埋雞翼，呢個拼盤啲嘢食我覺得質素都唔錯，特別佢嘅薯條同埋炸魚食得出係有一定質素嘅，同朋友傾吓計食返條薯條我覺得都唔錯㗎。點擊圖片放大 美利堅合眾國草飼牛扒沙律我覺得都好高質，牛肉方面我哋今次揀咗七成熟，食入口都好鮮嫩，而且佢特登加入左印尼炸蝦片令到成個餸菜嘅口感冇咁單一，呢個都係一個加分位嚟㗎！ 最後佢嘅焙茶芝士蛋糕都唔錯，蛋糕嘅芝士味同埋焙茶味都配合得好好，兩種材料都唔會喧賓奪主，總括嚟講我覺得呢間餐廳同一班朋友仔嚟食絕對係一個好選擇，聽講呢間餐廳都難book枱㗎，大家有興趣嘅就記得去預約啊！ 🇭🇰 Gooddaybadday香港九龍尖沙咀加連威老道27-27號A嘉榮大廈地下及一樓🇭🇰
