最近西營盤站新開左間隱世泰國越南菜小店，行過隔離街就已經去到蘇豪區位置好方便大家happy hour之後去試吓，仲可以去返Edan MV嘅後樓梯位打返個卡添，今次就大家一齊去試吓睇吓有咩好嘢食！ 今次因為同我friend兩個人嘅關係所以食嘅嘢唔係好多，不過我覺得都好值得推介。我哋今次叫咗軟殼蟹米紙卷，泰式蟹肉炒飯，泰式青咖喱豬肉，同埋泰式炸蝦餅。 講起食泰國菜，叫返一杯正宗嘅泰式奶茶當然就係必要，估唔到佢呢度嘅泰式奶茶仲係超級Igable,上面有勁大嚿用泰國茶做嘅冰熊仔，賣相勁得意可愛，倒啲茶入去嗰陣仲好似幫佢沖緊涼勁搞笑！ 佢嘅軟殼蟹咪紙卷賣相都唔錯，香脆嘅軟殼蟹同埋軟滑嘅牛油果識入口有豐富嘅層次口感，另外配上爽脆嘅生菜同埋佢哋自家調配嘅Wasabi醬汁，絕對能夠為你打開味蕾。 泰式炸蝦餅我都覺得好好食，每一隻蝦餅都炸到好肥大脹卜卜，而且入口食得出真材實料絕對唔係坊間嗰啲鬆泡泡感覺，肉眼都已經見到佢有蟹肉粒喺裏面，我個人都好推薦。點擊圖片放大 泰式蟹肉炒飯嘅份量都唔少，如果兩個女仔嚟食未必食得晒，炒飯入邊蟹肉嘅份量都好多，而且蟹肉唔會好似坊間嗰啲霉左，我覺得都不錯吃。 另外一款我覺得好值得食嘅餸菜就嘅青咖喱豬肉，佢嘅青咖喱醬汁同泰國食好嘅都有八九成相似，一入口香葉嘅香味超級濃郁唔會比椰香蓋過，而且一路食都唔會感覺到好滯，裏面仲用咗正宗泰國嘅茄子仔去烹調，增添正宗泰菜嘅感覺，大家如果經過喺附近嘅記得一定要去試吓！🇭🇰 Check in ThaiViet香港上環新街15號偉裕樓地下B號舖🇭🇰
