晚市終於開啦當然就要把握機會食返啲排隊名店啦，呢間舖頭啱啱開幕嗰陣每日都大排長龍，主要係食馬來西亞菜，馬拉菜同我鄉下啲餸菜都有啲相似，所以我自己都好有興趣好想試，今日終於有機會可以試吓！點擊圖片放大 +2 講明食馬拉菜當然就一定要叫肉骨茶啦。佢哋嘅肉骨茶果然係用返馬來西亞嘅特色，中藥嘅味道比較突出，我但係絕對係接受到嘅味道唔似飲藥咁，而且入口都好舒服好順口。我哋今次選擇咗棒棒骨，方便我哋食用，強烈推介記得用佢哋嘅蒜蓉同埋甜豉油頭抽作為醬料配合食用，試過嘅話包你一定話正！ 另外我哋都嗌咗辣死你媽飯配仁當牛肉，就咁單純睇個名好奇怪，但係其實佢哋都係用返馬拉文翻譯廣東話出嚟，意思就係斑斕椰漿飯配馬拉style炆燉牛肉。佢哋嘅斑斕椰漿飯係配合返斑斕嘅感覺造成青綠色，用嚟打卡一流，而且佢哋嘅仁當牛肉加入左牛筋，為呢個飯嘅口感帶嚟更加豐富嘅層次。點擊圖片放大 食得馬拉菜，最唔能夠錯過嘅當然係咖央多士，我自己都超推介，喺佢嘅橫切面就已經睇到佢用了豐富，鬆脆得來帶點焦香嘅多士配上滑溜而且香甜嘅咖央醬同埋半溶化嘅牛油，絕對係一流嘅享受，大家如果有興趣都可以試吓。🇭🇰蘇媽蘇媽馬來西亞茶餐室香港銅鑼灣謝斐道483-499號新城大廈地舖🇭🇰
