雖然而家嘅限聚令令到大家再一次六點之後冇得堂食，不過最近嘅天氣真係一個好適合打邊爐嘅季節，所以都忍唔住去咗一間台式火鍋店打返個午市邊爐。點擊圖片放大 呢間台式火鍋店其實一直都好出名，仲係排隊名店，早期仲需要網上面排隊預約先有位坐架，所以我都係等到最近先去試吓。 一上到去店面已經有好多蠟筆小新嘅裝飾，原來而家餐廳同蠟筆小新聯名合作，喺餐廳上面有蠟筆小新裝飾可以俾大家打卡同埋有小生嘅精品俾人購買，佢哋嘅沙田分店仲可以同小生影即影即有添。點擊圖片放大 講咗咁耐當然要講下餐廳嘅食物質素啦！呢間餐廳主打係台式嘅火鍋，火鍋嘅湯底佢哋都有好多唔同嘅選擇，我自己今次就叫咗個酸菜白肉鍋同埋蕃茄火鍋，貪佢酸酸地開胃一流。我今次都叫咗極上和牛吃到飽套餐另外再加海鮮。佢哋嘅澳洲和牛M5牛肩卷油脂分布都唔錯，全部薄切方便打邊爐輕輕一涮就食得。雖然佢薄薄地但係都唔好睇小佢，淥完之後牛味都幾出，而且入口都好滑，我自己極度推薦！點擊圖片放大 佢其他嘅配料同埋小食都幾多，我自己就每樣都叫咗少少試吓，火鍋配料嘅話我自己都幾推薦佢嘅百葉豆腐，佢嘅豆腐可以索晒火鍋嘅湯底超入味，佢嘅麵食都有好多選擇，台灣王子麵同埋新竹米粉都有供應。 海鮮方面佢嘅沙白同埋鱸魚片我都好推薦，全部都大大粒啖啖肉架！ 另外小食方面當然就唔可以錯過佢嘅台灣香腸同埋皮蛋豆腐，台灣香腸入口唔肥膩，皮蛋豆腐入口清爽，可以中和返火鍋油膩嘅感覺。 店舖最後仲送上台中仙草凍作為甜品，為呢一場豐富嘅火鍋畫上句號，我自己覺得成間舖頭飾品嘅質素真係唔錯，大家如果有興趣記得去試吓！🇭🇰牛大人 Master Beef香港銅鑼灣駱克道463-483號銅鑼灣廣場二期5字樓🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
