早幾日同朋友一齊相約去PMQ想睇吓啲特色小店，喺行街之前當然就要食返一餐好㗎喇，所以我哋特登search吓附近邊度有好嘢食，見到呢間餐廳都好多朋友仔試過話未到唔錯所以就去試吓！ 呢間餐廳正正就位於鴨巴甸街斜路，雖然舖位嘅面積唔大，但係佢位於Soho地區，鄰近有好多唔同嘅壁畫打卡點，係一個幾Chill嘅地方。今次我哋叫咗一份牛油果蟹子軟殼蟹忌廉意粉，慢煮西班牙黑毛豬腩泡菜漢堡，同埋一份水牛城雞翼。點擊圖片放大 軟殼蟹極度酥脆而且鹹香味十足，忌廉意粉醬汁加入菇類烹調令到醬汁嘅味道更濃郁，而且佢哋配上幼滑既牛油果同埋QQ蟹子令到成份意粉嘅層次感豐富一如以往嘅幼滑，我個人都幾推介。點擊圖片放大 +2 豬腩泡菜漢堡係另外一個驚喜之作，黑毛豬肉經過長期嘅烹調時間所以入口超級淋而且帶有燒烤嘅香味。泡菜口味屬於微辣，唔會搶咗豬肉嘅味道，而且佢哋用咗泡菜嘅少少酸味去中和返肥膩嘅豬腩肉，由於係新鮮製作嘅關係所以麵包都好鬆軟，絕對唔會淋，我個人都幾欣賞！ 佢哋嘅水牛城係屬於單骨雞翼，即叫即整新鮮熱辣辣超好食。而且佢哋嘅醬料完美咁樣將甜味酸味同埋辣味融合埋一齊，我覺得都不錯吃，大家如果經過行街都可以去試吓！點擊圖片放大 🇭🇰Bcube香港上環鴨巴甸街25號🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
