最近身邊有幾個朋友都試過呢一間餐廳，個個都話好正好好味有日本嘅感覺，話晒日本都係我第四個鄉下，咁就梗係book枱試吓啦。 今次專登叫左佢地嘅和牛九宮格盛盒，一盒裏面有晒九款唔同種類既牛肉同埋部位，可以一次過享受到唔同牛嘅部份，啱晒我呢啲樣樣都想食嘅人。佢嘅每一款牛肉質素都好高，未燒之前就咁睇啲肉既紋理同埋油花分布就已經知道一定好正！點擊圖片放大 經過大火烹調燒香之後，牛既肉汁同埋油香都出晒嚟，唔需要太多嘅調味料都已經有散發岀牛肉嘅香味。九款牛肉之中，我自己最鍾意就係佢嘅手匠岩手A5和牛貝肉，牛肉真係有小小入口即溶嘅感覺，即刻諗起之前喺日本三重縣食嘅松阪牛，和牛牛舌M9亦都係另一個推介之選，每一件都係厚切，完全冇平時食牛舌嘅騷味， 配合埋佢嘅醬汁保證你一定會叫返碗飯一齊食。點擊圖片放大 如果鍾意食油香嘅你，就千祈唔好錯過佢哋嘅宮崎A4和牛上蓋，呢款肉雖然睇落去有一舊油花好肥咁樣，但係當你燒香之後，你就會食到一入口肥而不膩感覺，我自己都幾鍾意㗎！ 估唔到佢哋嘅肉類質素好高之餘海鮮都唔錯，我特登叫咗兩隻醬油同日本酒味道嘅蘇格蘭蟶子試下，每一隻都超級大隻，經過燒烤之後入口啖啖肉，而且佢嘅肉質亦都唔會硬，仲保持到QQ嫩嫩嘅感覺，如果鍾意食海鮮嘅你記得唔好錯過。 我哋另外都有叫咗一個紫菜牛肉汁飯去配燒肉食， 香脆嘅紫菜配上加入牛肉汁嘅白飯，每一啖都香噴噴，配合燒好嘅牛肉絕對係一流之選。 最後我叫咗一份牛油果黑松露沙律去清下腸胃，估唔到黑松露醬同埋沙律菜都幾夾，新鮮嘅沙律菜配上微酸嘅醬汁，絕對為我呢一餐重口味嘅美食減低罪惡咁呀。食完呢餐之後發現佢哋原來做緊午市七折優惠，我自己覺得呢間餐廳真係可以Encore再食過，而家仲要午市有優惠嘅話更加唔好執輸，大家快啲都去試吓啦！ 🇭🇰 驚安燒肉商店 Gekiyasu Yakiniku 香港九龍尖沙咀金馬倫道48號中國保險大廈3樓C號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
