平時返工都會經過香港站，見到近出口位置有間舖頭裝修咗好耐，最近終於開張，當然就要買黎試吓拎返公司食啦！ 餐廳主要做外賣生意，所以冇堂食嘅位置，不過佢嘅產品選項都好多，除咗有Grab and Go嘅餐點之外，都有一啲即叫即整嘅烤焗類同埋飯麵類熱食嘅選擇，而且仲有一個甜品櫃，絕對好啱都市人食飯嘅需求！ 今次我就試咗佢哋嘅日本蒲燒鰻魚飯同埋香蒜菠菜蜆肉意粉套餐，每一份套餐都會包含飲品同埋沙律，絕對係營養之選。佢哋用嘅包裝大多都係紙造，感覺上都好環保。點擊圖片放大 +2 返到公司都要做多陣野先食飯，所以我都加熱咗先食，不過估唔到整體味道都唔錯喎！鰻魚都幾厚幾多汁，就算叮過都唔會乾。而且白飯上面都配有飯素，配菜方面都有唔少蔬菜同埋醃漬物，都幾營養均衡㗎。 蒜香菠菜蜆意粉，份量都幾多，而且蒜香味十足。意粉軟硬度適中，而且蜆肉嘅份量都唔少，我覺得都不錯吃。 套餐附送嘅沙律都幾新鮮，睇落去每塊葉都唔會變黃都幾高質㗎，大家如果經過都可以試吓買個返去公司做午餐啦！🇭🇰 Chopsticks fork n knife express 香港中環香港站HOK 55號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
