上次去食段純貞嗰陣，發現到銅鑼灣有個商場嘅地庫原來都有幾間餐廳，每一間都好吸引，所以今次就特登去試吓佢其中一間餐廳，呢間餐廳係食泰國菜嘅！呢間店舖裝修係泰式工業風，店舖有好多唔同嘅元素，例如齒輪，水管同埋磚頭嘅造型，而且都會不斷播住泰國音樂好relex。點擊圖片放大 舖頭係用QR code落單，喺屏幕度見到佢哋好貼心，好多飲品食物都可以自選唔同嘅口味，就算唔食辣嘅人都可以選擇。今次我哋就叫咗一啲串燒，香葉辣椒肉碎燴飯，泰式濕炒海鮮米粉，青咖喱海鮮同埋印度薄餅試吓。 香辣肉碎炒飯香葉嘅味道好濃郁，肉碎唔會太肥，配合返爽脆嘅豆角同埋炸過既雞蛋令你入口有多種層次相得益彰點擊圖片放大 。青咖喱椰香十足，香葉嘅味道都好濃郁而且湯底唔會太水。而且佢嘅配料都好多，入邊有蝦帶子青口魷魚茄子等等，送白飯或者香脆嘅薄餅都好正。點擊圖片放大 串燒方面我哋嗌咗豬肉串，泰國傳統臘腸同埋珍寶帶子。豬肉串燒啖啖肉冇乜肥膏，至於泰國臘腸勁香口送啤酒一流，珍寶帶子串燒有濃郁嘅蒜頭香味，配上佢極度濃郁嘅花生醬，我個人都幾推介㗎。 濕炒海鮮米粉都係另外一個推介之選，海鮮用料豐富，裏面嘅魷魚食落去QQ絕對唔會好硬，蝦亦都好爽脆彈牙，而且佢哋嘅米粉都有經過調味，絕對唔會乾爭爭，配合返泰式濕炒醬汁係入味之選，大家如果有興趣都可以試吓！ 🇭🇰小曼谷泰國美食站香港銅鑼灣謝斐道535號Tower 535地庫B02號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
