最近喺IG都成日見到呢間餐廳，除咗裝修風格好特別之外，食品嘅種類同埋質素睇落去都唔錯，所以就同個朋友仔一齊去試吓順便把酒談心。點擊圖片放大 呢間餐廳主打韓國菜，佢嘅裝修係韓國懷舊路邊攤檔風，而且枱櫈仲還原番韓國街頭夜攤店，打卡絕對一流。因為今次同朋友仔Farewell嘅關係，所以我哋都叫咗好多唔同嘅傳統韓國夜攤美食慢慢食慢慢傾。我哋叫咗部隊火鍋，韓式甜辣炸雞，懷舊烤五花肉同埋拳頭飯，當然梗係唔少得米酒啦！ 我自己最鍾意係佢嘅懷舊五花肉，份量超級大CP值好高，五花肉入口充滿油香，我最欣賞就係佢嘅五花肉係連豬皮一齊，每一啖入口除咗有柔軟嘅豬肉之外，另外夾雜着QQ嘅豬皮令口感更豐富，我個人極度推薦！另外韓式甜辣炸雞每一件都好大舊，香甜嘅醬汁依附住香脆嘅炸雞，配返韓國獨有嘅醃蘿蔔真係相得益彰。點擊圖片放大 部隊火鍋亦都係韓國菜嘅其中一個靈魂，材料豐富之餘，餐廳亦都好貼心分開上拉麵，令到拉麵唔會因為烹調時間太長而變得冇口感。 至於拳頭飯絕對係飽足之選，每一粒都好大粒，而且加入左香口嘅紫菜同埋芝麻，再配合埋其他嘅餸菜，絕對令你有一種返咗韓國嘅錯覺，大家有機會記得要去試吓！點擊圖片放大 🇭🇰HOO 포차 韓國包車九龍尖沙咀厚福街12號至12號A藍馬商業大廈22樓🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
