今日約咗媽咪去尖沙咀行街，而佢一直都好想試吓好出名嘅西瓜蛋糕，所以就帶咗佢去high tea啦！ 同緊媽咪出去食飯當然唔會俾佢有選擇的權利，所以我就買咗三款蛋糕俾佢慢慢嘆。呢三個蛋糕包括荔枝西瓜蛋糕，斑斕芒果克羅米蛋糕同埋期間限定嘅水蜜桃焙茶蛋糕！ 荔枝西瓜蛋糕成個蛋糕入口好清新好爽口，荔枝獨特清香嘅味同爽脆香甜嘅西瓜渾然一體，入口完全沒有負擔又冇乜cream，不過入口有少少甜，如果配咖啡就啱晒。 斑斕芒果黑糯米蛋糕入口班蘭味好香，配合返酸酸地嘅芒果同埋有咬口嘅黑糯米，超好食，雖然佢Cream嘅比例比較高，不過都唔會話好滯，甜度亦都比較低，所以我自己都好鍾意。 期間限定水蜜桃焙茶蛋糕口感好幼滑，食到水蜜桃清甜嘅香味，但係又唔會比濃郁嘅焙茶味道覆蓋住，我媽咪話三款蛋糕最欣賞就係呢款！ 另外估唔到佢哋飲品都好出色，焙茶latte同埋綠茶latte入口都好滑，而且味道都配合得好平衡唔會話太甜，而且佢哋控制溫度都好出色，入口暖暖地嘅口感感覺真係好舒服，就算配合香甜嘅蛋糕都唔會好滯，大家如果有興趣嘅話就快啲去試吓啦！🇭🇰 Lifetastic香港九龍尖沙咀彌敦道100號The One 4樓L406 好舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
