呢間又係另外一間位於時代廣場嘅舖頭,又係因為仲有優惠券未用晒所以去食。呢間餐廳主打係各國料理,唔同國家嘅菜式都可以喺度食到,啱晒有選擇困難症嘅人可以係一間舖頭諗吓想要食嘅嘢! 我哋叫咗迷迭香士多啤梨冰茶,士多啤梨嘅味道好濃郁,藥水嘅味道唔係好重,另外滲出少少Rosemary嘅味道,入口唔酸,都幾透心涼。 咖喱雞飯屬於泰式風味係紅咖喱,入口小辣,薯仔都煮得好林,不過雞肉有啲鞋口,咖喱嘅味道未能慘入去,略嫌有啲可惜。 四式pizza我個人都好推薦,分量大之餘性價比都好高。Pizza新鮮滾熱辣好鬆脆,屬於薄批。裏面四種味道都各有千秋,雙重芝士勁濃厚芝士味,每一口都被芝士嘅味道覆蓋;黑松露pizza配上火箭菜,增加點清爽嘅感覺;牛油果蕃茄味入口清爽,可以中和返芝士嘅濃郁味道,蕃茄味都不過不失,熱辣辣入口微酸好開胃。 富貴炸鴨拼黑松露飯我個人覺得都幾特別,黑松露飯配上粟米口感有少少偏硬,不過松露嘅香味好出。點擊圖片放大 佢嘅森巴醬料酸酸辣辣好開胃,鴨肉烹調到超級酥脆,肉質都好好唔會有雪藏味,香料味亦都好出眾,係全餐最推薦嘅一度餸菜。 呢間餐廳雖然冇鴨大哥咁好食,不過勝在選擇多,如果有興趣嘅話都可以試吓㗎!🇭🇰GreenHouse香港銅鑼灣勿地臣街1號時代廣場10樓1004號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請