呢間燒肉店由一開舖到而家都依然咁大排長龍,網上面嘅預約亦都經常爆滿,因為朋友最近預約到,所以我就有機會去試吓啦! 佢哋有幾個套餐可以選擇,全部都係120分鐘限時任食,套餐跟返牛肉嘅質素而去決定價錢,既然咁難得當然要試一試嗰啲最高級澳洲M5和牛嘅套餐啦。 嗰陣因為有特別嘅優惠所以送咗一客牛舌條俾我哋,牛舌條燒完之後嘅肉質好正一啲都唔韌,而且入口都好Juicy。點擊圖片放大 佢嘅肉類包括牛肉豬肉同埋雞肉,牛肉嘅話我會推薦佢嘅安格斯牛小排,燒完之後入口鮮嫩多汁,而且牛味都好重。點擊圖片放大 豬肉嘅話我覺得佢嘅原住民鹽燒肉都幾特別,佢係用五花肉製作而成,燒完之後入口油花四淺,配合佢嘅醬汁我覺得都幾特別。 套餐裏面除咗肉類之外亦都包含左少量嘅海鮮,我自己就叫咗帶子,帶子嘅size都唔算細粒,而且上面放咗牛油之後燒完之後入口好香,我覺得都有驚喜!點擊圖片放大 +2 另外佢哋亦都有個自助吧,除咗電子餐牌上面嘅飲品之外,自助吧裏面亦都有好多唔同類型嘅飲品,蔬菜同埋可以自製滷肉飯。喺裏面我最推薦就係佢嘅桂花烏龍茶,桂花味道清香十足,配合無糖嘅烏龍茶可以減低油膩嘅感覺,如果大家去嘅話記得試吓啦!🇭🇰 安平燒肉香港荃灣眾安街55號大鴻輝荃灣中心17樓全層🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請