雖然呢個平台叫做吃貨𝙳𝚊𝚗𝚊,不過其實除咗食嘢之外,我最大嘅興趣就係周圍去旅行,但係因為呢兩年疫情嘅關係,所以都冇乜機會周圍去,變相喺香港多啲發掘唔同嘅地方玩,今次呢個地方都算交通方便所以想同大家介紹吓。 今次我哋去嘅地方係屬於一個迷你嘅果園,地點位於元朗嘅大棠,就算揸車或者喺元朗轉巴士小巴入嚟都好方便。點擊圖片放大 +5 喺佢哋嘅官網寫住每年嘅12月至到5月有士多啤梨採摘,5月之後會有其他嘅蔬果可以採摘,我今次去就見到有提子西瓜,菠蘿,粟米,茄子,青瓜等等嘅蔬菜可以採摘,價錢方面雖然有略嫌有啲偏高,不過起碼可以體驗到自己親自採摘嘅樂趣,我覺得都幾得意㗎!點擊圖片放大 +2 除此之外,佢哋都有種稻,甘蔗,木瓜等等嘅農作物,而且仲有兩隻羊仔喺度添,喺香港呢個石屎森林之中見到真係覺得好特別。 雖然地方唔大,但係勝在唔需要入場費之餘,裏面都有山水豆腐花同埋燒雞食,我覺得都幾值得去,大家如果有時間都可以去玩吓㗎!🇭🇰朗屏士多啤梨園香港元朗青山公路元朗段117號D.D.A Lot #500&501 🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請