呢間餐廳其實開咗一段日子,我朋友之前食過都話唔錯㗎,而且最近見到網上面好多人都去咗食呢間餐廳,我就梗係唔執輸去試吓啦! 今次我哋叫咗黑松露蝦多士,士多啤梨骨,黃金軟殼蟹,同埋一個濃湯鱈魚肉碎泡飯。點擊圖片放大 黑松露蝦多士至少三隻起叫,一上枱嗰陣黑松露嘅香味超級岀,佢嘅多士入口超級鬆脆但係唔會成口都係油,而且蝦肉都好多,我同我朋友都覺得超級好食! 至於濃湯鱈魚肉碎泡飯,我哋覺得係性價比之選,嗌左個細嘅size都係$60有找,湯飯嘅肉味好濃郁,而且佢嘅湯完全冇腥味,用料豐富超級飽肚。 士多啤梨骨每一舊都好大舊,啖啖肉得黎唔會乾爭爭,而且佢除咗用士多啤梨果醬之外亦都有用果肉去烹調,都不錯吃。 黃金軟殼蟹我覺得都唔錯,用上大量嘅鹹蛋黃去烹調,入口鹹香,而且軟殼蟹都炸得好酥脆,我覺得都唔錯㗎。總括和講我覺得呢間餐廳都唔錯,地點方便之餘而且裝修都好有特色,如果約一大班朋友一齊嚟食嘅話絕對係一個好選擇! 🇭🇰 女人街食飯公司九龍旺角通菜街1A至1L號威達商業大廈一樓B室🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請