最近多咗幾間來自台灣嘅手工牛肉麵喺香港開舖,今次食嘅呢間聽講店家喺台灣係由單車流動攤販做到而家有好多間門市,而且成碗牛肉麵要超過十幾個鐘嘅時間烹調而成,咁就梗係唔好執輸要去試吓啦! 佢哋呢間店舖嘅麵條有闊條嘅手工麵同幼麵選擇,我今次就叫咗個牛肉麵配搭手工麵,同埋一個蒜香雞絲撈麵配搭幼麵,另外加多咗個鹽酥雞試吓!點擊圖片放大 佢哋既牛肉麵麵條QQ好彈牙,牛肉用上咗大大嚿既牛展,入口好滑輕輕咬已經散開。 至於雞絲撈麵蒜香味十足,而且麵條入口比較淋,滲入左佢哋醬汁好香口,佢哋加入左花生同埋炸蒜去增加脆嘅感覺。 我個人最欣賞佢嘅酸菜,入口好爽脆唔會話太酸,可以中和返油膩嘅感覺。 另外小食我叫咗鹽酥雞,入口都好Juicy,一咬開就有香濃嘅蒜香同埋酒香味,我個人都幾推薦㗎,如果大家有興趣就試吓啦!🇭🇰 段純貞牛肉麵 Duan Chun Zhen香港銅鑼灣謝斐道535號 Tower 535地庫B01號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請