普通pancake你就食得多，唔知道pancake burger你有冇食過呢？最近聽聞有一間來自名古屋嘅pancake店出咗限定版嘅紫薯pancake,佢哋嘅Menu裏面仲要有pancake burger，忍唔住去試吓睇吓佢係乜嘢味道！ 一入到去舖頭，個感覺都幾Chill,成間店裝修配合住日本輕快嘅歌曲，個感覺好似去咗沖繩啲細商場咁好舒服。今次我叫咗一杯夏日特飲，草莓沙冰，牛肉pancake burger，同埋紫薯pancake。 我自己幾鍾意佢哋嘅夏日特飲，係用唔同嘅果汁再配合石榴汁調製，酸酸甜甜好開胃。士多啤梨沙冰香甜，口感好棉滑，奶味好香濃。點擊圖片放大 Burger pancake 裏面牛肉嘅肉味好香濃之餘冇騷味，蕃茄同生菜好爽脆，配合返鬆軟pancake，滲出少少香甜味好特別,而且份量都好大，一口咬唔晒，我覺得都值得一試。點擊圖片放大 沖繩紫薯梳乎厘pancake既蛋味同埋奶味比頭先burger pancake嘅更加重，口感亦更滑溜。佢嘅芝士嘅味道好重，配合返香甜既忌廉食落去好滿足。上面嘅紫薯cream好香紫薯嘅味道，完全冇顆粒狀或者係沙嘅質感，鍾意紫薯嘅朋友真係唔好錯過！🇭🇰 HoiHoi Pancake House香港九龍灣宏照道38號企業廣場五期Megabox 一樓19-20號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
