有朋友仔問我灣仔區有冇可以Chill下嘅Bistro好介紹，作為一個其實麻麻哋食甜食嘅人，口袋名單有呢啲餐廳當然係唔少得！今次介紹呢間Bistro除咗有酒飲有咖啡之外，佢嘅食物質素我都覺得唔錯，我自己都幾推介㗎！點擊圖片放大 +2 呢間店舖嘅裝修同埋音樂都帶俾人一種好舒服放鬆嘅感覺，而且店舖都有好多打卡位，另外點後都用好多唔同種類嘅酒作為裝飾甚至售賣，我覺得都己有英倫風格。 今次我就食咗明太子蟹肉意粉，日式炸雞同埋餃子。明太子蟹肉意粉我個人好推薦，平時喺香港好少叫明太子食品因為怕好腥，不過佢呢度好唔同，食得出佢哋用咗酒調味之後，令到入口有海鮮嘅鮮味之餘仲唔會腥，意粉口感亦都有咬口，我自己就好滿意。 日本炸雞超級Juicy，有微微姜嘅香味滲出。 餃子都好多汁，外皮比較脆口，而且餡料超級多，滿口都係肉嘅味道，配合返咖啡嘅微酸我覺得都幾寫意，大家如果有興趣都可以試吓㗎！點擊圖片放大 🇭🇰 LOF10 BISTRO香港灣仔告士打道38號中國恆大中心地下A號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
