早幾日同朋友提起以前去西班牙食好西嘅日子，大家都好掛住西班牙菜，所以就上網搵咗間交通好方便嘅餐廳去試吓！ 首先我哋叫咗兩杯特飲叫做Barcelona，味道酸酸甜甜好開胃，佢用咗用士多啤梨做基底，加上其他嘅果汁帶出去佢嘅酸甜味，超級開胃！因為太掛住巴塞隆拿嘅Tapas,所以我哋今次叫咗勁多嘢食，好彩食得晒。 芒果蟹肉沙律入面嘅芒果好甜，食得出海鮮嘅鮮味，而且紫色洋蔥爽脆，我同我朋友都好推薦！ 牛肉餡餅嘅香料味都幾出，有少少咖喱嘅味道，而且餡料份量都好多都幾Juicy。 西班牙肉腸嘅份量都幾多，味道有啲偏鹹，不過配埋嘢飲就啱啱好。 西班牙燒乳豬外皮超級香脆，乳豬嘅油香好出，肉質都唔會太硬，就算唔使點佢嘅醬料我覺得都不錯吃。 西班牙海鮮炒飯同平時食味道有啲唔同，佢應該係用龍蝦汁嚟炒，炒飯入邊有唔同種類嘅海鮮，食入口鮮味十足，米飯吸收左醬汁嘅味道之後偏向濕潤，都係一個唔錯嘅嘗試，大家如果經過都可以試吓㗎！ 🇭🇰 Channel 3 Tapas Bar & restaurant 香港九龍太子通菜街228號地下🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
