早兩日去咗啟德行公園，睇完之後都去地鐵站附近睇吓有咩好嘢食，發現到有間主打食酸菜魚嘅餐廳都幾平，所以就入咗去試吓！ 入咗去餐廳員工服務好好，佢哋會講解佢哋餐廳主打嘅嘢食，我試咗佢哋推介嘅青蘋果梳打，另外叫咗檸檬酸菜味嘅鱸魚配薯粉，一個老壇酸菜湯配牛肉同埋一碟萵筍土豆絲。 青蘋果梳打入口酸酸甜甜，有梅子嘅香味，行完公園熱辣辣真係透心涼。 萵筍土豆絲酸麻味十足，佢嘅用料入口都好爽脆，因為我哋叫咗小辣，所以唔算好辣，反而突出左酸麻嘅感覺，我覺得都唔錯㗎！點擊圖片放大 兩碗酸菜魚同埋牛肉湯上菜嗰陣我哋都好驚訝，兩碗都超大碗CP值好高，而且店家好貼心，會提供免費嘅清湯比客人解辣。點擊圖片放大 首先是嘅係檸檬酸菜湯配鱸魚，佢嘅酸味屬於微酸，反而因為加咗新鮮檸檬落去所以帶點清香，因為同行嘅朋友唔係好食得辣所以我哋叫咗少少辣，鱸魚魚肉都幾彈牙，不過就要小心有小小骨。 而且佢哋嘅薯粉好滑好煙韌，聽講因為佢哋係用番薯粉而唔係用木薯粉，所以食落去個口感就冇咁硬，而且放咗好耐都仲係QQ口感，我個人超級推薦！ 老壇酸菜味有少少辣，酸味比檸檬酸菜嘅重，而且香料嘅味道比較濃郁，牛肉入口都唔錯，不過我自己好鍾意佢嘅配菜，極度吸味嘅豆卜同埋金菇加米線，每一啖入口都會食到佢哋嘅湯底，感覺好過癮，而且咁大碗都係幾十蚊，CP值極高，大家有興趣都去試吓啦！🇭🇰 魚眾不同香港九龍灣沐寧街8號啟德1號ll 一樓A號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
