最近見到幾多朋友仔都去試呢間餐廳,佢嘅地點好方便正正就係海港城對面,今日同朋友仔都放假所以就一齊去試吓!點擊圖片放大 今次我哋叫咗香草蒜香燒八爪魚,煙三文魚牛油果意大利飯同埋Parma Ham Pizza。 首先八爪魚嘅口感都OK唔會太韌,醬汁都幾香架。 至於意大利飯,飯嘅質感有咬口,牛油果好香好creamy,整體食落口都唔會太濟。 最有驚喜反而係Pizza ,佢嘅批屬於薄批好鬆脆,醬料主要係茄膏,佢嘅香味經過烤焗之後好出,同最上面嘅油醋醬互相輝影,我開頭以為佢兩隻醬汁加埋一齊會好酸,但係食落口又唔會喎!鹹鹹嘅Parma Ham 再加上微滲出嘅芝士香味,我個人都覺得值得一試㗎!🇭🇰 Whatever Bar & Restaurant 九龍尖沙咀廣東道82-84號流尚坊4樓🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請