早幾日約咗同朋友出街，突然間好想食中菜，朋友見到呢一間位於尖沙咀鬧市嘅點心店，之前未食過所以就入咗去試吓！ 呢間點心店好得意，雖然佢買嘅都係一啲港式食品，但係其實佢係由台灣傳過嚟嘅，喺台灣都有啲名氣㗎！ 一去到店面見到裏便冇座位，我以為剩係得外賣，點知店員指示我去隔離嗰間奔之食堂，我先知原來佢哋係同一個集團嘅，不過今次我比較想試吓佢哋嘅點心，所以食嘅嘢主要都食返恒之茶居嘅食品。我哋今次叫咗佢最馳名嘅叉燒包，另外仲叫咗松露蝦餃，海膽燒賣，雜菌素餃，蘿蔔糕同埋虎蝦干蒸肉餅飯。點擊圖片放大 一開始上枱嘅叉燒包入口熱辣辣，裏面嘅餡料都幾豐富，而且唔會太甜，包嘅表皮好鬆脆，我個人都幾推薦㗎！ 蘿蔔糕嘅口感都唔錯，尚算仲會食到佢一絲絲嘅口感，胡椒粉嘅味道比較少，入口有少少偏甜，同香港食到嘅感覺都差唔多。 虎蝦干蒸肉餅飯佢嘅飯脹卜卜咁，應該係用珍珠米嚟烹調嘅，份量都唔細，食落肚都有飽足感，而且蝦乾嘅味道都幾突出，不過肉餅就普普通通啦。點擊圖片放大 +2 反而另外三款嘅點心我覺得不過不失，略為有啲平淡冇乜記憶點，不過整體來講價錢我覺得已尖沙咀鬧市地區計尚可接受，如果真係行行吓街口痕想食野嘅話我覺得都係一個唔錯嘅選擇嚟嘅。🇭🇰恒之茶居香港九龍尖沙咀廣東道28力寶太陽廣場LG06號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
