去得灣仔區當然唔會淨係食一間餐廳就收手，我就去咗大名鼎鼎嘅bakehouse 試吓佢哋嘅嘢食啦！點擊圖片放大 一去到嗰條街發現大排長龍真係好耐都冇見過咁誇張，最後我排咗大概20分鐘先可以去買嘢食，好遺憾我最想食嘅葡撻佢賣晒，而下一轉都要等一段時間，所以今次就買咗佢其他嘅麵包酥皮甜點試吓啦！ 我今次買咗佢哋嘅士多啤梨雲呢拿丹麥酥，朱古力酥，同各式各樣唔同口味嘅冬甩。除翻開一個都要大概30至$40其實都唔平㗎， 不過係前五星級餅房總廚既配方就好想試吓。 買完外賣之後，就急不及待試吓佢嘅抹茶冬甩，冬甩糖霜有玉桂味，抹茶cream 食落口唔會太甜，仲有一股回甘嘅味道，麵包口感好鬆軟，我覺得都唔錯。 士多啤梨雲呢拿丹麥酥超級香甜，士多啤梨冇酸味，而且丹麥酥入口好鬆脆，配上一杯熱茶或者咖啡真係相得益彰。 我自己都拎咗一個榛子朱古力冬甩留返今朝當早餐食用，之前我淨係用咗微波爐叮大概10秒鐘，估唔到食落口嘅口感都唔錯，麵包依然保持鬆軟唔會太硬，入口好重嘅榛子同埋朱古力味，但係又唔會太滯，我覺得買返屋企自己hightea都唔錯㗎，希望下次再去嗰陣可以買到佢哋遠近馳名嘅葡撻試下啦！🇭🇰Bake House 香港灣仔大王東街14號地舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
