早兩日終於有得放假，咁啱朋友介紹咗港島區有間隱世cafe，梗係唔好錯過去試下！點擊圖片放大 +3 店舖位於灣仔利東街附近，睇個門口就覺得好chill,睇返個舖頭裏面啲傳單同board先發現，店舖除咗係一間Cafe餐廳之外，原來入夜都會變身成一間酒吧，間唔中仲有啲 WorkShop都幾特別！ 星期日嘅中午梗係食返個Brunch啦！佢嘅餐牌都有好多食品選擇，All day breakfast ，Omelette，Burger, Pasta 意大利飯都一應俱全，我今次就叫咗佢哋素食嘅全日早餐，另外加我好鍾意食嘅白色香腸同香辣蒜香帶子意粉，飲品就叫咗Rose latte 同Macchiato！ 講咗個All day breakfast先！大家睇張相就知道，份量都好大，絕對唔使驚因為素食為主所以唔夠飽！佢嘅麵包超級鬆脆，配上牛油味重嘅炒蛋同埋香軟既牛油果真係好夾！蘑菇冇過多嘅調味，入口好爽脆，中間嘅沙律配上佢哋有金橘香味嘅沙律汁，令到成份早餐嘅入口變得清爽，唔會太油膩，我個人都好推薦。白色腸仔係我個人嘅喜好，真心超級鍾意食，香濃嘅香草味配合豬肉真係好好食！ 至於意粉方面，入口微辣，不過蒜香味唔算太出，我覺得好適合而家呢種有啲涼嘅天氣食用。帶子超大粒肉質結實，帶有少少鹹香，呢個價錢來講CP值我覺得唔錯。點擊圖片放大 佢嘅咖啡都係一大賣點，我好欣賞佢哋嘅Rose latte,入口好清新，淡淡的玫瑰香味中和左咖啡嘅酸味，叫一杯然後坐喺度放空一下真係一大享受。佢哋仲有咖啡豆調配既手工啤售賣，下次有機會再去試吓！ 🇭🇰Mansons Lot香港灣仔汕頭街1-3號地下🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
