前一陣子仲係四人限聚令嗰陣，同左幾個好耐冇見嘅好姊妹出去食飯，大家都想搵啲平靚正嘅嘢食，咁啱見到尖沙咀有間新開嘅餐廳網上訂咗有優惠，所以就去試吓啦！ 邊間餐廳位於尖沙咀The One，地點夠晒方便，餐廳主要係日式嘅洋食，本身價錢都唔算，但係網上面訂位之後竟然有六折嘅優惠超級抵食。 我哋分別叫咗五式芝士味噌Pizza，柚子胡椒雞翼，黑毛和牛牛扒丼，厚切牛舌丼同埋南蠻味噌伊比利豚肉丼。 五式芝士味噌Pizza令我哋都好驚艷，超香芝士味仲要熱辣辣，味噌嘅味道唔算好出，因為滿口都係唔同種類芝士嘅味道夾雜一齊，真係超級濃郁同埋滿足！ 黑毛和牛牛扒丼我覺得都唔錯，牛肉切到好薄，啱啱好嘅熟度加埋炸蒜片嘅味道我覺得都好好食！ 至於牛舌我覺得入口有少少偏硬，牛嘅蘇味仲喺度，反而有啲失色，不過如果你哋鍾意牛嘅蘇味嘅話就會係一個唔錯嘅選擇。 豚肉丼同埋雞翼我就覺得不過不失啦，不過以六折之後嘅價錢除開一個人都係60幾蚊，CP值真係超級高，我覺得可以一試㗎！🇭🇰 Fifth Element Shokudo香港九龍尖沙咀彌敦道100號The One 3樓L 308號舖🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
