知道大家對共生呢個概念有乜嘢諗法？雖然呢個字好深奧，但係用於食物黎講，其實即係share dish concept。呢個概念係歐美地區已經運行左一段時間，意思係一間實體舖頭裏邊，除咗有本身品牌產品之外，另外都會喺唔同嘅時段加入其他公司嘅產品一齊售賣，咁樣除咗對店舖有互補同埋互相宣傳嘅效果之外，對我哋食客更加方便可以食到唔同嘅嘢食，所以我自己都好鍾意呢個理念。點擊圖片放大 最近我發現喺香港原來都有類似嘅店舖！Orange Dish 呢個品牌就係將我頭先講嘅元素滲透落佢哋嘅店舖到，佢哋一間店舖裏面包含咗香港本地不同品牌嘅飲品小食主食，今次我就去咗佢哋最新既銅鑼灣禮頓中心分店試咗佢哋嘅咖啡同埋小食，我個人都好推薦！ 呢間分店分店主打就係出咗名好好飲既Knockbox 咖啡同bejuiced既冷榨果汁，另外佢哋都有售賣little missmacarona既馬卡龍同埋bakedindulgence嘅曲奇餅乾。店舖雖然唔係好大，不過勝在清靜，好適合大家喺度Chill下Hea下。 Knock box嘅咖啡大家應該好熟悉，旺角嘅分店經常大排長龍，佢嘅咖啡香濃而且幼滑，完全冇苦澀味，我自己唔係成日飲咖啡嘅人都好鍾意。點擊圖片放大 +2 至於little missmacarona佢哋會配合唔同嘅節日而製造新產品，臨近聖誕當然就係做聖誕版本馬卡龍，最吸睛嘅當然係聖誕樹馬卡龍，打卡真係一流，佢哋嘅聖誕馬卡龍套裝都唔輸蝕，有四款唔同口味組成，我自己最鍾意pecan & maple caramel口味，食到nuts嘅感覺之餘亦都有海鹽嘅鹹香，我自己大推！ bakedindulgence既brownie唔會好硬，而且咬落去唔會碎晒，佢嘅甜味亦都唔會太誇張，配返一杯咖啡真係啱啱好。總括嚟講我自己都好推薦，如果真係要彈嘅話，我就覺得座位方面如果有多幾個位就更加好，可以慢慢坐喺度chill 下發下白日夢哈哈！ 🇭🇰Orange Dish銅鑼灣禮頓道77號禮頓中心地下G03號舖 🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
