又係好想去旅行系列!!!舊年嘅秋天喺韓國放縱食食食,今年三月之後連飛機都未坐過,心理開始有啲唔平衡,忍唔住去食韓國炸雞。 呢間韓國炸雞其實之前都食過一次,不過我最近先知原來佢哋都有放題,百幾蚊就食到唔同口味嘅炸雞燒雞小食pizza,平過我上次食好多! 一入到去同上次一樣係咁聽K-POP好有feel,全程都食得好開心好似去咗韓國咁,而且餐廳都好貼心,除咗派口罩套之外,仲有膠手套係枱面等我哋可以冇儀態咁大食特食! 聽店員講之前Pizza係出邊自助服務,不過因為疫情嘅關係而家都變成點菜嘅方式,減少左過多嘅接觸。點擊圖片放大 +2 炸雞燒雞嘅口味勁多,雞嘅外皮好鬆脆,而且咬開裏邊仲有肉汁,我自己最推薦蜜糖蒜香焗雞同埋黃金鹹蛋炸雞,蜜糖蒜香焗雞好香蜜糖味,而且因為係焗雞所以食落口冇咁油膩,罪惡感細啲,至於黃金鹹蛋炸雞鹹香味重,諗起都流口水!點擊圖片放大 以百幾蚊嘅價錢就可以食到咁多款唔同嘅食品,CP值真係好高,而且重點係一餐可以一解我哋對韓國嘅相思之苦,絕對值得去食一次丫!🇭🇰Sodam Chicken香港銅鑼灣耀華街37號百樂中心7樓🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請