好耐冇去旅行啦！台灣都算係我最想去旅行頭三甲位置，每次去台北如果住喺西門町附近，我都好鍾意買西門捷運站附近嗰間繼香光光雞食，最近工作有機會過海，所以都特登走一趟過下口癮。 今次去發現佢哋出咗隻新產品叫做金沙雞翼，一聽個名就知道有鹹蛋，而且醬爆金沙類食品喺台灣一直都大受好評，咁就當然唔執輸試吓啦！點擊圖片放大 雞翼同台灣食到嘅口感一樣咁鬆脆，今次仲配合左金莎醬食落去有淡淡鹹香味！而且醬料裏面仲有顆粒狀嘅鹹蛋黃，當你咬開顆粒狀鹹蛋蓉之後，鹹蛋嘅味道爆發晒出嚟，我個人好推薦！ 淨係雞翼當然唔夠侯啦，我另外仲叫咗川麻雞髀扒，外層一如既往用返台灣招牌嘅番薯粉作為脆漿，啱啱開始食唔覺得有辣味，但係食落川麻嘅後勁會慢慢攻上嚟，真係好過癮，我自己仲用咗剩返嘅金沙醬點少少嚟食，食落去個味道更加濃郁，大家如果行過記得唔好錯過去試吓啦！ 🇹🇼 繼光香香雞 香港九龍灣牛頭角道77號淘大商場一期地下G140號舖🇹🇼大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
