唔知道大家鍾唔鍾意睇波呢？我自己因為另一半嘅影響有陣時都會睇吓，我嘅另一半仲要係阿仙奴嘅狂熱球迷添！最近俾我網上面搵到一間阿仙奴做主題嘅餐廳，梗係二話不說帶埋佢去朝聖啦！點擊圖片放大 呢間餐廳好貼心，門口已經擺放左獨立包裝口罩同埋消毒濕紙巾俾大家用，裝修仲好特別，周圍都掛滿左唔同嘅簽名波衫，佢連阿仙奴嘅現任領隊，前任球員阿迪達既簽名波衫都有，真係不得了！而且佢哋仲有間VIP房，地方闊落之餘仲要好似置身係球場裏面咁樣好正架！點擊圖片放大 +3 餐廳供應西餐，晚餐嘅套餐選擇好多，飯意粉扒類都有，我今次就叫咗澳洲草飼牛柳蒜香意大利扁麵，同埋波士頓龍蝦配美國Creekstone牛西冷，另外再叫多一個心太軟配草莓雪糕。套餐另外都會配有沙律蒜蓉包同埋一杯茶或者咖啡。 我覺得舖頭好用心，連器皿都用咗足球場嘅款式好得意，好彩我都唔弱，特登拎左以前去英國酋長球場買嘅阿仙奴紀念品襯托一下！ 佢哋今日嘅餐湯係南瓜湯，口感好幼滑，配上鬆軟嘅蒜蓉包感覺唔錯。 講吓主菜先！澳洲草飼牛柳都幾嫩，中間嘅肉質呈現粉紅色，而且牛香都好岀，意大利扁麵嘅蒜香同埋黑椒香味都好夠，成個菜式味道都好配合。點擊圖片放大 +2 至於波士頓龍蝦配合芝士烤焗，食落口好香甜仲啖啖肉，美國Creekstone牛西冷比起澳洲草飼牛柳肉味更濃厚，我今次叫咗七成熟，一切開裏面粉紅色嘅色澤靚到dup一聲，而且亦都唔會有好多筋，絕對係CP值超高！ 因為食完主菜已經好飽，所以我哋淨係叫咗一個甜品，心太軟都係即叫即整，食落口熱辣辣朱古力味重，配合返草莓雪糕真係超級滿足！呢間餐廳嘅CP值好高，我覺得就算大家係唔係球迷都好，我都推薦大家去試吓！🇭🇰 Lockeroom Dining香港九龍油麻地彌敦道558-560號譽發廣場8樓🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
