其實我除咗好為食,仲好貪靚架!因為工作嘅關係自己成日係屋企幫自己gel甲,不過就局限喺粉紅色同埋冇乜變化。我今次去嘅店舖嘅位於銅鑼灣,雖然係鬧市中心,但係同主要馬路有少少距離,如果唔太熟悉銅鑼灣區嘅朋友記得預多少少時間搵地方。店家同時提供soft gel同埋hard gel服務,大家可以因應自己嘅需求去同店主講想要邊種類型嘅gel甲同埋修手嘅形狀。店舖最近大熱款式係琥珀同埋花磚圖案系列,我當然要試吓琥珀系列啦。 靚女店主喺gel甲嘅過程都十分細心,而且仲好好傾。佢用咗high point 呢個技術令到甲面有弧度,指甲睇上去脹卜卜更加飽滿,而且因為加厚左頂端令到你嘅指甲冇咁容易反甲架。 另外店主對於指甲嘅美感好執着,佢會逐隻指甲係光源下面照射唔同嘅角度,務求令到燈線變得一致,所以我好欣賞呢位店主,絕對係一個加分位! 係而家嘅情況,面部化妝會因為口罩已經變得冇咁注重,所以我覺得美甲已經成為左我哋其中一樣主流嘅扮靚方法,呢間CP值好高而且好有心機嘅店舖我誠意推薦比大家,大家有興趣都可以去佢個IG睇吓佢嘅作品同埋預約時間㗎,佢嘅Booking都比較full大家有興趣嘅話記得早啲預約啦!🇭🇰Almonanails香港銅鑼灣希慎道8號裕景商業中心14樓15室🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請