點擊圖片放大 +7 當天氣轉涼的時候,大家都會鐘意食煲仔菜。煲仔菜多數係肉類:雞、豬、牛、羊等重口味菜式。其實偶然食下豆腐煲都唔錯,Da媽今次煮既係蟹黃豆腐煲, 雖然叫蟹黃但其實係用紅蘿蔔蓉、蟹肉加蛋黃煮成,鮮味得黎又少d負擔 , 同其他煲仔菜一樣咁好餸飯嫁🤪#蟹黃豆腐煲材料:蟹肉 適量(蟹爪肉)嫩豆腐 1盒毛豆仁 適量(可用豌豆代替)雞湯 250ml蝦仁 10隻蔥 2棵薑 1小塊鹽 少許糖 少許芡水:粟粉 2茶匙清水 1湯匙蟹黃:紅蘿蔔蓉 3湯匙蟹肉碎 2湯匙蛋黃 2隻食油 1茶匙咸蛋黃 1隻做法:1.嫩豆腐切塊; 蔥白切粒、蔥綠切成蔥花; 薑切末(份量約1/2湯匙); 蝦仁沖洗一下, 用廚房紙吸乾水分, 加少許鹽、胡椒粉醃10分鐘;2.咸蛋黃於水滾後, 中大火蒸6分鐘, 然後用叉壓碎; 紅蘿蔔取1/3條磨成蓉, 加入2隻蛋黃、蟹肉碎、食油攪拌均勻。3.準備炒蟹黃: 在鑊中加少許油, 開中細火直到油變熱, 加入咸蛋黃炒到起泡, 再加入紅蘿蔔蓉翻炒到收乾一半水分, 關火取出備用。4.開中火在鑊仔加入少許油, 爆香蔥白薑末, 加入毛豆仁炒2-3分鐘。 倒入雞湯、嫩豆腐、適量的蟹肉, 水滾後再加入蝦仁, 加蓋炆煮5分鐘。 最後加入蟹黃、芡水、鹽、糖煮到收汁, 灑上蔥花就完成❤️溫馨提示:1.如果想豆腐味道更香、不易碎裂, 可以將嫩豆腐煎/炸過才加入鑊中同煮。2.Da媽不喜歡勾太厚芡汁,所以今次的豆腐煲不似餐廳煮的咁(杰)。 如果喜歡厚芡的可以增加粟粉的份量。3.緊記開粟粉一定要用凍水/常溫水。先攪拌好才加入鑊中。