點擊圖片放大 +7 Da媽非常鐘意食蟹餅， 但喺餐廳點蟹餅份量較少，價錢亦不便宜🤧。倒不如喺超市買罐蟹肉，用平民既價錢，煮出高級餐廳既水準。 而且Da媽自家制的香煎蟹餅，非常足料， 外面香脆，內裏滿滿既蟹肉， 再沾上蜜糖芥末蛋黃醬，每一啖都係種享受🥰🥰🥰#香煎蟹餅 材料：4人份蟹肉 180g洋蔥 1/2個 （大洋蔥1/4個）紅椒 1/4個 黃椒 1/4個雞蛋 1隻番茜 1/2湯匙麵包糠 30g調味：蛋黃醬 3湯匙芥末醬 1茶匙檸檬汁 少許黑胡椒 少許鹽 少許蜜糖芥末蛋黃醬：蜜糖 1/2湯匙蛋黃醬 3湯匙芥末醬 1/2茶匙黑胡椒 少許番茜 少許檸檬汁 少許其他：蛋液 2個 鹽 少許麵粉 適量麵包糠 適量做法：1.將洋蔥去皮切碎； 紅、黃椒切去白色芯，切至細碎； 然後開中火，在鍋中今入少許橄欖油，將洋蔥炒到變軟及帶點點焦，關火放涼。2.全部材料包括洋蔥碎加調味混合好， 用匙羹材料放入圓形模具（8cm) 再壓實 ，或用手搓成餅狀， 放雪櫃冷凍格雪最少2小時/過夜亦可以。3.依次序沾上，麵粉-蛋液-麵包糠，多餘的麵粉要拍走。以下有3個做法：平底鍋：加多一點點橄欖油，開中細火慢慢將兩面煎到金黃色，再將平底鍋打側，把蟹餅的側面亦煎成金黃就完成（煎到蟹餅膨脹起為之熟）。焗爐：在蟹餅表面噴上足夠的橄欖油，焗爐230度預熱10分鐘，焗15-20分鐘，顏色變得金黃就完成。氣炸鍋：在蟹餅表面噴上足夠的橄欖油，氣炸鍋200度預熱5分鐘，蟹餅氣炸15分鐘，中途需要翻轉。溫馨提示：1.Da媽用的蟹肉比較乾身，如果蟹肉較濕的話，必需用廚房紙吸乾所有水分，才可以加入其他材料，否則蟹餅容易散開。
