點擊圖片放大 +6 今日煮番d中式家常菜：蔥爆豬頸肉，煮法簡單，餸飯（配飯）一流！連平時超級挑食既皇帝仔都係咁食，終於唔使食餐飯都催餐懵........不過Da媽始終覺得爭少少，爭在唔夠多蔥啊😭對於愛食蔥既人黎講，蔥既分量當然愈多愈好啦🤤🤤🤤#蔥爆豬頸肉 材料：豬頸肉 2塊（約435g）蔥 4棵蒜頭 4瓣紅椒 半條（食辣可用指天椒代替）醃料：蠔油 1湯匙米酒 1/2湯匙粟粉 1/2湯匙水 1/2湯匙胡椒粉 少許調味：生抽 1/2茶匙老抽 1茶匙糖 1/2茶匙做法：1.豬頸肉清洗一下， 印乾水分後逆紋斜切。（厚薄視乎大家喜歡， 切薄身會較快熟， 小朋友亦容易吞食， 切得較厚則有嚼頭。） 加入配料攪拌均勻，放雪櫃醃半小時。2.蔥洗乾淨切段，將蔥白、蔥綠分開放。 蒜頭去衣，切成片狀。紅椒切絲備用。3.鑊仔開中細火， 加少少油先炒蔥白、蒜片，炒到有點焦香。 轉中大火，加入豬頸肉一起炒到變白色。 然後加入調味料翻炒一下，再灑上蔥綠、紅椒絲，再炒多2分鐘就可以關火。溫馨提示：1.如果買回來的豬頸肉太多肥膏，可以用刀小心切走，但不要將脂肪完全去除，會令豬頸肉太過乾柴。2.蔥白、蒜片一定要炒到金黃，甚至有點焦，炒出來的肉才夠香。3.喜歡有汁拌飯的話，可以在加入調味料時，加適量的水一起煮，生抽分量亦可以多一點點。
