點擊圖片放大 +4 煮蘑菇多數會聯想到用黑椒汁，但原來台式三杯汁都好適合用黎煮蘑菇。Da媽一家都係食肉獸，所以將肥美既黑豚肉片加埋一齊煮，但結果竟然係蘑菇先被秒清😂#三杯蘑菇黑豚肉材料：2-3人份黑豚肉 約200g蘑菇 1盒蒜頭 6瓣薑片 6片九層塔 適量調味：糖 1/2湯匙米酒 1湯匙生抽 1湯匙麻油 1湯匙水 4湯匙老抽 少許做法：1.蘑菇用廚房紙抹去表面雜質，先切去少許蘑菇莖，然後切片。蒜頭去衣，薑去皮切片。九層塔摘出適量的葉子，沖洗乾淨。2.在鑊中加少少油，開中火煎到蒜頭、薑片變黃。將薑片蒜頭撥去一邊，煎黑豚肉到兩面變色（不需熟透），先取出豚肉備用。3.將蘑菇、糖加入鑊仔一起翻炒至糖溶化。沿着鑊邊倒入米酒，炒到米酒揮發一半，加生抽、老抽、水、麻油、黑豚肉，加鑊蓋轉中細火炆差不多收汁，加入九層塔、紅椒絲翻炒一下就完成。溫馨提示：1.蘑菇不要用水洗，因為蘑菇洗完再炒，會不斷釋水份，就無法炒出蘑菇的香味。2.此食譜除去黑豚肉，亦適合素食者。
