點擊圖片放大 +6 Da媽好耐冇整過鮮蝦菜式， 唔想清蒸白烚咁hea， 但又唔想整得太繁複。 所以用懶人最愛#氣炸鍋 煮呢味香蒜奶油啤酒蝦。 估唔到啤酒同牛油兩樣九唔搭八既東西， 放入鮮蝦一齊煮，味道又出奇地夾。 啤酒令蝦肉更鮮甜之外，啤酒原先的苦味消失左， 仲有陣陣既牛油香味，極速清唒一碟，唔飲酒既朋友都會鐘意🤪#香蒜奶油啤酒蝦材料：鮮蝦 約半斤蒜頭 2瓣牛油 20g啤酒 半罐鹽 1/4茶匙黑胡椒 少許指天椒 1隻（可省略）做法：1.鮮蝦剪去頭部尖刺、挑走蝦腸，加入少許鹽、粟粉攪拌一下，然後沖洗乾淨隔水備用。蒜頭切片/碎，指天椒切碎備用。2.在錫紙上放入蝦、蒜片、牛油、指天椒，灑上黑胡椒、鹽，倒入啤酒，包好錫紙（可用兩張）。氣炸鍋200度預熱5分鐘，放入啤酒蝦200度焗15分鐘就完成喇。溫馨提示：1.此菜式除左用氣炸鍋，亦可以直接放入鍋中煮（蝦肉更快熟），或者用焗爐，任君選擇。2.由於氣炸鍋面積較細，Da媽將半斤蝦包起，蝦子難免會重疊，因此焗既時間會比較長。如果蝦子能夠平放不重疊的話，煮食時間亦可縮短。3.挑蝦腸：在蝦頭對後第二節，插入牙籤，用手指按住已挑起的蝦腸，將整條輕輕拉出就可以，太大力蝦腸會斷開。
