點擊圖片放大 +5 上次整金沙百花釀豆卜還剩下少許蛋黃,今次就整邪惡金沙單骨雞翼, 食呢款雞翼最緊要心無雜念,千其唔好諗減肥、熱量之類既問題😆,enjoy 🥰🥰🥰#金沙單骨雞翼 材料:雞中翼 10隻咸蛋黃 3隻牛油 1小塊粟粉 適量白胡椒粉 少許醃雞翼調味:鹽 1/2茶匙糖 1/2茶匙米酒 1茶匙雞粉 少許白胡椒粉 少許做法:1.雞中翼用剪刀在兩條骨之間剪開,沖洗抹乾後加入調味料攪拌均勻,放雪櫃醃最少1小時。2.咸蛋黃放入蒸鑊,中大火水滾起計時,蒸10分鐘,然後用叉或刀背壓碎備用。3.雞翼平均沾滿粟粉,放入氣炸鍋兩面都噴上薄薄一層油,每面200度炸5分鐘。4.在鑊中加入咸蛋黃碎、牛油、白胡椒粉,中細火炒至起沙,倒入雞翼翻炒到隻隻金黃就完成。