點擊圖片放大 +6 天氣太熱 ，帶住口罩行出街都感覺會隨時中暑。Da媽今次用可以消暑作用既乾荷葉黎烤雞，聽個名好似好厲害既菜式，其實十分簡單易整。癈話少講，睇相就知隻雞有幾多汁，雞肉仲好嫩滑，嫩口過皇帝仔😂#荷葉烤雞材料：雞 1隻（約1斤多）蒜片 3瓣薑片 3片蔥 3棵（切段）乾荷葉 1塊（如果雞隻較大，需要2塊荷葉）調味：老抽 1/2茶匙五香粉 1/4茶匙紹興酒 1/2茶匙糖 1/2茶匙鹽 1/2茶匙做法：1.雞隻切去頸、屁股，清除內臟。用1匙粗鹽將雞隻內外都擦一遍，然後沖洗乾淨，用廚房紙抹乾水份。2.先將調味料、蒜片、蔥段、薑片混合。將混合物分開一半搽在雞皮，一半搽在雞隻裏面，放雪櫃醃最少2-4小時。3.先在雪櫃取出雞隻回溫半小時。用一個鑊煮滾半鍋水，放入乾荷葉煮到軟身就可以撈起放涼備用。4.焗爐200度預熱10分鐘，用荷葉包住雞隻，再用錫紙完全包裹好，放焗爐焗60分鐘。（雞隻較大，時間需增加）溫馨提示：1.用粗鹽可以擦去雞隻入面粘住的血塊2.Da媽今次買的雞較細隻，如果雞隻較大，調味料可按比例增加。3.由於焗爐可能會有受熱不均勻的問題，所以相隔一段時間就要幫荷葉烤雞轉換方向。
