點擊圖片放大 +5 Da媽係咸蛋黃愛好者, 所有關於咸蛋黃既美食我都忍唔住要試, 不過有時食多兩塊就會好快覺得滯。所以今次呢個金沙百花釀豆卜既做法係: 先將豆卜除去部份既油, 再喺彈牙既墨魚滑中加入爽口清甜既馬蹄粒, 除左增加口感亦可以抵消咸蛋黃既膩。 同時做到咸香脆口, 但完全唔油膩, 食幾多塊都唔會覺得滯既效果。#金沙百花釀豆卜材料:3人份墨魚滑 $25豆卜 $5馬蹄 3粒咸蛋黃 3粒牛油 1小塊蒜蓉 1/2湯匙蔥花 適量調味料:糖 少許白胡椒粉 少許做法:1.馬蹄去皮切碎,加入墨魚滑攪拌均勻。豆卜用熱水浸泡一下,然後壓去水分,斜切成三角形,再將墨魚滑釀入豆卜。2.咸蛋黃放入蒸鑊,大火水滾起計時,蒸10分鐘。蒸好的咸蛋黃用刀背/叉壓碎備用。3.將釀好的豆卜放入氣炸鍋 180度炸7分鐘。同時在鑊仔加入牛油、蒜蓉、咸蛋黃、調味料,中細火炒至起沙。豆卜炸好後加入鑊仔翻炒均勻,最後放入蔥花就完成。溫馨提示:1.豆卜用熱水略略浸一下,再用湯勺/匙羹壓走水分,可以減少豆卜的油份。(要小心不要燙到)2.墨魚滑一般已經有調味,再加咸蛋黃一起翻炒,所以Da媽沒有加鹽。(喜歡更濃味亦可以加少許鹽)3.如果炒咸蛋黃時無法起沙,有可能是牛油份量太少。而且炒的時候不能大火,容易燒焦。4.氣炸豆卜時不需要噴油。