點擊圖片放大 Da媽今次整番d涼浸浸既菜式,唔使點開火,完全冇任何技巧可言。氣溫係咁升....都係唔好留喺廚房。煮個日式蕎麥涼麵,簡單易整,仲要低gi、有豐富嘅礦物質同膳食纖維。夏日熱辣辣食佢就最適合不過!#日式蕎麥涼麵材料:3人份蕎麥麵 2束火腿片 3片青瓜 1 條蟹柳 5條甘荀 1條雞蛋 2粒紫菜絲 少許(可不加)白芝麻 少許(可不加)芥末 少許冷麵汁:攪拌好放雪櫃生抽 20ml味琳 30ml食水 80ml鰹魚粉 1/2湯匙做法:1.甘荀去皮、青瓜去籽、火腿片全部切絲。蟹柳撕成條。雞蛋打發好,平底鍋加少少油煎成薄圓形,放涼再切絲。全部放雪櫃備用。2.蕎麥麵根據包裝上的煮食時間煮好,沖食水冷卻,隔乾水備用 。3.將全部食材放在蕎麥麵上,灑上芝麻、紫菜絲,加少許芥末,淋上冷麵汁就食得喇!溫馨提示:冷麵汁除左用鰹魚醬油之外,仲可以整白蘿蔔泥+生抽+味琳+白醋; 柴魚高湯+生抽+味琳;芥末+生抽+水+蔥花;