點擊圖片放大 今日喺超市見到冬陰湯材料包補左貨，最難搵既南薑、檸檬葉都有齊。煮個椰汁雞湯解下鄉愁先，濃郁既湯底，啖啖椰香加上嫩滑既雞肉。飲完有種幸福既感覺！ #椰汁雞湯 材料： 雜菇 適量 粟米芯 1包 小番茄 4粒（車里茄亦可以 數量再增加） 雞脾肉 1塊 椰子雞湯： 椰漿 400ml 清雞湯 600ml 香茅 3條 南薑 1塊 乾蔥頭 3粒 檸檬葉 6塊 指天椒 2條（不吃辣可省略） 調味料： 魚露 2湯匙 椰糖 1.5湯匙（砂糖亦可） 青檸汁 1個(隔去籽） 醃雞肉： 鹽 半茶匙 糖 半茶匙 粟粉 1茶匙 做法： 1.雞脾肉洗淨切片，加入醃料攪拌均勻醃半小時。 雜菇切去底部，略略沖水。小番茄切開4份 ， 粟米芯洗淨，對切備用。 2.香茅切段，南薑、乾蔥頭切片，指天椒切粒，檸檬葉用手撕開幾塊備用。 3.湯鍋加少許油，中火爆香乾蔥頭、南薑、香茅、指天椒 ，炒出香味再加入椰漿、清雞湯、調味料煮10分鐘，先試味然後轉細火，加入雞肉煮熟就可以。
