兩星期後就中秋節，唔知大家有冇自己整月餅呢？以前未結婚時，我就自己出去學整冰皮，學完仲好有恆心咁返屋企再整，當時我爸爸陪我癲，係屋企跟我學整。 轉眼間10幾年後，有小朋友了，就去玩親子班啦。 早前，帶囡囡參加「壹家人× Eye Kitchen」奶皇月餅班。妹妹第一次玩呢類烹飪班，前一晚已經好興奮，不斷問幾時可以出去呀。 月餅班多不勝數，我揀呢個班嘅原因，首先係因為整兔仔造型，好可愛，小朋友一定喜歡。第二，現實一點，係因為價錢合理，$420，比起外面好多都要接近 $500呢！最後一個主要原因，係 Eye Kitchen 導師 Elizabeth 主張用健康材料烹調，所以今次嘅奶黃月餅，選材都係天然無添加： 奶黃餡係用鮮雞蛋 + 天然雲呢拿油煮成，冇奶粉、冇色素、冇香精，所以製成品嘅顏色會比較淡。糖方面，會用有機甜菊糖，唔會影響血糖水平，宜家好多健康菜式，都會用呢款調味材料。 到達太子 Eye Kitchen，工具和圍裙已經準備好在枱上了，個個小朋友都好心急動手。導師先將每個程序都清楚講解同示範，仲好風趣幽默，小朋友唔會聽到悶。 大部分工序都係囡囡自己一手包辦，我淨係幫佢比較難嘅步驟~~包餡。搓奶黃餡、搓皮、包好，可以入爐了。每焗幾分鐘，就要攞出來攤一攤，再焗。大約半小朋時，出爐了，好可愛呀，成爐都係兔仔。 黎緊8月31日仲有最後兩班，一班整原味奶皇，一班整伯爵茶奶黃。有興趣嘅可以 Facebook 搜尋「壹家人」或者「Eye Kitchen」專頁。
