呢件事一定要用廣東話寫,唔知點解。 . . . 飛長途機當然希望乘客食完第一餐後乖乖訓覺, 你休息得好,我又無咁忙,大家都好,係咪? (當然,事實係長期事與願違!) 飛機降落前2個鐘慢慢開返燈喚醒班訓到矇矇鬆鬆嘅乘客, 食早餐前先捧出一盆又一盆好colourful 嘅蘋果汁&橙汁, 而拎到埋個客面前都係例牌講 「Would you like to have some juices?」「請問需唔需要果汁」之類啦。 咁通常呢⋯⋯ 每班機都會有客逐杯逐杯指住咁問 「呢杯咩黎架?咁呢杯呢?呢杯呢?」「Oh, what is this?」 唔多嘅⋯⋯十幾個咁啦! 其實打從心底真係好想問:「乜蘋果汁同橙汁咁難分咩?」 好啦算啦, 可能佢地以為係烏龍茶呀冰紅茶呀菠蘿汁呀芒果汁呀咁啦,唔緊要嘅, 雖然每次俾人喪問心底都會莫名的燥底⋯⋯ 但係, 呢個service入面最最最恐怖嘅事係: 當我地稍微彎底腰捧住果十幾杯野,一臉親切笑容咁問個客要唔要果汁嘅時候, 個岩岩訓醒嘅客趁住你吸氣果一刻對你講「Or..ange juice please」 佢發出「Or」聲果一下, 我真係以為佢屙左d乜⋯⋯ 果一刻,腦海一片空白⋯⋯ 唔只係醒晒⋯⋯ 更加係欲哭無淚⋯⋯ 媽,我想嘔呀! 我真係好驚做呢個service! 更多分享和更新,請至: 空姐麻媽on Facebook www.facebook.com/daiwanwife 空姐麻媽on UBlog https://blog.ulifestyle.com.hk/blogger/daiwanwife 空姐麻媽on 痞客邦 http://daiwanwife.pixnet.net/blog 活動邀請或邀文,請聯絡空姐麻媽 Email Daiwanwife@gmail.com