給還不太了解、自以為了解但不了解我們的你。 你以為我成日在外國名店Shopping,其實我只是在酒店附近超市藥房買乾糧(仲要格價)。 你以為我飛到外國sightseeing 好爽皮,其實我jet lag 緊生理時鐘亂晒籠,半夜三更眼光光,天光落樓食個早餐返上房暈倒床上。 你以為我日日食頭等/商務/經濟艙飛機餐好多選擇,其實幾乎班班機都為左安撫派到最後無choice的尊貴乘客而用盡所有可以選擇的餐點,有好多時連crew meal(機組人員餐點)都拎埋出黎俾客,咁我食乜?咪食x囉! 你以為我好多假期可以成日去街約朋友去玩,其實我d假期都係用黎調時差同補眠 。 你以為我有一折機票好抵可以成日去旅行,請你攪清楚,一折係正價嘅一折,加埋機場稅燃油附加費其實唔係大家眼中嘅超級抵!而且上唔上到機完全視乎班機loading如何,真客check in 晒班機仲有空位俾員工咩,唔好意思都要鬥鬥年資先!去機場standby 等個機位仲緊張過過大海買大細,同事們都稱員工一折機票係乞衣飛。 試問你唔肯定自己上唔上到機,又點敢隨便book酒店去玩? 你以為我地返工只係笑下派下毛毯遞下餐,其實乘客上機前做左十九幾萬樣準備功夫出晒汗你睇唔到,然後乘客上機前我地印兩印d汗再開始扮elegant professional 。 以下開放造句, 請保持隊形「你以為xxx,其實xxx。」 更多分享和更新,請至: 呆丸媳婦行李箱on Facebook www.facebook.com/daiwanwife 呆丸媳婦行李箱on UBlog https://blog.ulifestyle.com.hk/blogger/daiwanwife 呆丸媳婦行李箱on 痞客邦 http://daiwanwife.pixnet.net/blog 活動邀請或邀文,請聯絡呆丸媳婦行李箱 Email Daiwanwife@gmail.com