「個案分享」「拗柴」後應該休息嗎？還是有更好的方法？話說早兩星期我有朋友落樓梯不小心「拗柴」，右腳腫脹得十分誇張，痛到要行山杖拐下拐下咁行。很多人一向概念都是急性扭傷需要PRICE，即是Protection, Rest, Ice, Compression, Elevation，連我自己初時都係呢個觀念，所以我對她的建議都是「返屋企敷下冰，早晚都敷，休息多D就會自己慢慢好」。但跟另一位物理治療師討論後，便發覺自己與最新的醫學脫節。原來最近期的研究已有共識急性扭傷後的處理方法並不是完全休息，而是需要慢慢用你承受到的重量踩力落地(Early Weight-Bearing as tolerated)，並盡早接受治療。如果唔盡早處理等佢自然好，一來康復得較慢，二來將來同一邊腳踝將有機會出現「慣性拗柴」。翌日我refer朋友給予相熟的物理治療師看，由她原本需要揸拐杖拐下拐下咁行，經過一至兩次治療後便自由行，治療包括淋巴引流、手法治療、肌肉放鬆、冰敷等，隨後幾日已經行得去旅行了。所以，「拗柴」後不應完全休息或純粹冰敷等佢自然好，要盡早復康或想斷尾的話，應該盡快尋求物理治療師協助。 有痛症的你們，可以隨時Inbox我發問。FB Page: JeffreyNg Physio 物理治療IG: @jeffreyng.physioYoutube: HKPhysioRehabhttp://www.togetherphysio.com.hk/最新服務: 度身訂造鞋墊服務(筆者為香港註冊物理治療師。)
